ߜߐ߲߬ߓߏ ߺ ߟߊ߫ : ߞߟߋ߬ߦߊ ߥߙߊ߬ ߞߏ߬ߖߎ߮ ߓߘߊ߫ ߞߊ߲ߡߋߙߋ߲ ߘߏ߫ ߟߐ߬ ߊ߬ ߖߋ߬ߕߌ߰ߡߛߏ߬ ߞߘߐ ߡߛߏ߬ߦߊ ߝߙߊ߫ ߟߊ߫߸ ߞߏ߫ ߏ߬ ߓߘߴߊ߬ ߝߘߎ߫ ߞߏ߫ ߞߎߡߊ ߝߐ߫ ߊ߬ ߦߋ߫

ߣߌ߲߬ ߞߍ߫ ߘߊ߫ ߞߓߊߞߏ߫ ߟߋ߬ ߘߌ߫߸ ߡߍ߲ ߛߎ߮ ߦߋ߫ ߦߋ߫ ߟߊ߫ ߖߌ߬ߦߊ߬ߖߟߎ ߟߎ߬ ߘߐ߫ ߞߘߐ߬ߡߊ߲߬߸ ߒ߬ߞߊ߬ ߏ߬ ߟߋ ߞߍߣߍ߲߫ ߜߍ߫ ߘߐ߫ ߞߏ ߘߌ߫ ߣߌ߲߬ ߛߊ߫߸ ߜߐ߲߬ߓߏ ߺ ߟߊ߫߸ ߏ߬ ߡߍ߲ ߦߋ߫ ߓߊߟߊ߲ߘߎ߯ ߡߙߊ ߘߐ߫߸ ߞߊ߲ߞߊ߲߫ ߡߙߊ߬ߓߊ߰ߘߊ ߞߣߐ߫، ߊ߬ ߞߍ߫ ߘߊ߫ ߞߐ߬ߓߊ߬ߟߏ߲߫ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߂߀߂߄ ߞߏߟߌ߲ߞߏߟߌ߲ ߕߋ߬ߟߋ߫ ߀߉߸ ߂߃ߙߋ߲ ߝߊ߲߬ߝߍ߬ߟߊ ߘߐ߫. ߞߵߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߡߊ߬߸ ߘߋ߲ߡߛߏ ߣߐ߬ ߊ߬ ߝߘߎ߫ ߞߏ߫ ߞߎߡߊ ߟߋ߬ ߝߐ߫ ߟߴߊ߬ ߖߋ߬ߕߌ߰ߗߍ߫ ߦߋ߫߸ ߏ߬ ߞߟߋ߬ߦߊ ߡߊ߬ ߛߊ߫߸ ߞߊ߲ߡߋߙߋ߲ ߞߊ߬ ߘߋ߲ߡߛߏ ߡߛߏ߬ߦߊ ߝߙߴߊ߬ ߓߟߏ ߟߊ߫، ߏ߬ ߞߍ߫ ߘߊ߫ ߦߙߐ ߘߏ߫ ߟߋ߬ ߘߐ߫߸ ߖߌ߬ߦߊ߬ߖߟߎ ߟߎ߬ ߣߌ߫ ߡߍ߲ߞߊ߲ ߠߎ߬ ߦߋ߫ ߟߊߕߊ߬ߡߌ߲߬ ߠߊ߫ ߝߊ߲߭ ߡߍ߲ ߘߐ߫ ߞߊ߬ߣߌ߲߬.

ߘߋ߲ߡߛߏ ߦߋ߫ ߡߍ߲ ߓߟߏ߫ ߜߐ߲߬ߓߏ ߺ ߟߊ߫ ߦߋ߲߬߸ ߏ߬ ߞߊ߲߫ ߞߏ߫ ߘߋ߲ߡߛߏ ߣߌ߲߬ ߛߊ߲߬ ߁߇ ߟߋ߬ ߕߋ߲߬ ߞߊ߲ߡߋߙߋ߲ ߘߏ߫ ߟߋ߬ ߡߙߊ߬ߣߴߊ߬ ߡߊ߬߸ ߞߏ߫ ߊ߬ ߓߘߴߊ߬ ߝߘߎ߫ ߞߏ ߝߐ߫ ߏ߬ ߦߋ߫، ߊ߬ ߞߵߊ߬ ߡߛߏ߬ߦߊ ߟߋ߬ ߝߙߊ߫ ߊ߬ ߓߟߏ ߟߊ߫>>

ߣߌ߲߬ ߕߊ߬ߡߌ߲߬ߣߍ߲߫ ߘߌ߬ ߖߐ߲ߖߐ߲߫ ؟

ߘߋ߲ߡߛߏ ߦߋ߫ ߡߍ߲ ߓߟߏ߫ ߜߐ߲߬ߓߏ ߺ ߟߊ߫ ߦߋ߲߬߸ ߣߴߊ߬ ߕߐ߯ ߞߏ߫ ߊߟߡߊߞߏ߫ ߖߊߟߏ߫߸ ߏ߬ ߕߊ߫ ߝߐߟߌ߫ ߘߐ߫߸ ߞߏ߫ ߕߊ߯ߘߌ߬ ߣߌ߫ ߊ߬ߓߎ߫ ߞߊ߬ߟߐ ߦߋ߫ ߢߐ߲߮ ߝߍ߬ ߟߋ߬߸ ߝߘߎߞߏ߫ ߞߎߡߊ ߟߋ߬ ߕߎ߲߬ ߦߴߊ߬ߟߎ߬ ߕߍ߫ ߖߐ߫، ߓߊ߬ߙߌ߬߸ ߊ߬ߟߎ߫ ߣߊ߬ ߘߊ߫ ߝߘߊ߫ ߦߋ߲߬ ߠߋ߬ ߕߋ߲߬߸ ߡߐ߰ ߡߊ߫ ߡߍ߲ ߞߎ߲߬ ߞߋߟߋ߲߫ ߛߌ߫ ߟߐ߲߫.

ߊߟߡߊߞߏ߫ ߖߊߟߏ߫ ߞߊ߲߫ ߞߏ߫: <<ߟߏ߲ ߘߏ߫߸ ߊ߬ ߞߊ߬ ߞߊ߲ߡߋߙߋ߲ ߣߌ߲߬ ߦߌ߬ߘߊ߬ ߒ ߠߊ߫߸ ߞߵߊ߬ ߝߐ߫ ߞߏ߫ ߏ߬ ߟߋ ߦߴߊ߬ ߝߍ߬ ߞߵߊ߬ ߝߘߎ߫߸ ߊ߬ߟߎ߫ ߣߊ߬ ߘߊ߫ ߒ ߓߘߊ ߟߋ߬ ߞߋߟߋ߲ߘߌ߫، ߒߠߋ ߞߵߊ߬ ߦߌ߬ߘߊ߬ ߒ ߞߏ߫ ߖߎ߯ߡߊ߲߫ ߕߴߏ߬ ߘߌ߫، ߥߊ߯ߕߌ߫ ߞߍ ߏ߬ ߞߐߝߍ߬߸ ߊ߬ ߞߵߊ߬ ߝߐ߫ ߒ ߧߋ߫ ߞߏ߫ ߞߊ߲ߡߋߙߋ߲ ߓߘߴߊ߬ ߜߍ߲߫ ߊ߬ ߓߘߊ߸ ߞߏ߫ ߊ߬ ߕߴߊ߬ ߝߍ߬ ߡߎ߬ߕߎ߲߬߸ ߒߠߋ ߞߵߊ߬ ߦߌ߬ߘߴߊ߬ ߟߊ߫ ߒ ߞߏ߫ ߊ߬ ߦߋ߫ ߣߊ߬ ߒ ߘߊߝߍ߬، ߘߊ߬ߡߊ߲߬ߛߊ߫߸ ߊ߬ ߞߵߊ߬ ߝߐ߫ ߞߏ߫ ߦߙߐ߫ ߜߘߍ߫ ߦߴߊ߬ ߓߟߏ߫ ߊ߲ ߛߌ߰ߢߐ߲߮ ߘߏ߫ ߝߍ߬߸ ߒߠߋ ߞߵߊ߬ ߝߐ߫ ߒ ߞߏ߫ ߊ߬ ߦߋ߫ ߕߏ߫ ߦߋ߲߬.>> ߊߟߡߊߞߏ߫ ߟߋ߬ ߞߊ߬ ߣߌ߲߬ ߝߐ߫.

ߊ߬ ߓߊ߲߫ ߘߊ߫ ߞߵߊ߬ ߟߊ߫ ߞߎߡߊ ߞߊ߲߬ߟߊ߬ ߝߣߊ߫߸ ߞߏ߫: <<ߞߎߣߊ߬ߛߌߣߌ߲߬߸ ߊ߲ ߓߍ߯ ߟߋ߬ ߥߊ߫ ߘߊ߫ ߘߊ߬ߡߊ߲߬ߝߍ ߘߐ߫ ߞߋߟߋ߲ߘߌ߫߸ ߒ ߞߊ߬ ߕߊ߯ߘߌ߫ ߡߊߢߌ߬ߣߌ߲߬ߞߊ߬ ߒ ߞߏ߫ ߊ߬ ߦߋ߫ ߡߌ߲߫߸ ߊ߬ߟߎ߫ ߞߵߊ߬ ߝߐ߫ ߒ ߧߋ߫ ߞߏ߫ ߊ߬ ߡߊ߲ߞߍ߲ߘߍ߫، ߛߎ ߘߐ߫߸ ߊ߬ߟߎ߫ ߞߊ߬ ߒ ߞߟߌ߫ ߞߏ߫ ߊ߬ ߦߋ߫ ߘߊ߲ߘߊߛߏ ߟߊ߫߸ ߞߏ߫ ߊ߬ ߡߊߘߌߡߌ߲ߣߍ߲߫ ߞߊ߲ߡߋߙߋ߲ ߏ߬ ߟߋ ߓߟߏ߫߸ ߊ߬ ߦߋ߫ ߥߊ߫ ߟߊ߫ ߡߍ߲ ߞߐ߫ ߛߐ߲߬، ߊ߬ ߞߵߊ߬ ߡߛߏ߬ߦߊ ߟߋ߬ ߘߐߝߙߊ߫.>> ߊߟߡߊߞߏ߫ ߟߋ߬ ߞߊ߬ ߣߌ߲߬ ߓߍ߯ ߝߐ߫.

ߕߊ߯ߘߌ߫ ߡߍ߲ ߦߋ߫ ߕߋ߲߬߸ ߊ߬ ߦߋ߫ ߓߐ߫ ߟߊ߫ ߘߎߙߊ߬ ߟߋ߬߸ ߊ߬ ߟߊߟߊߣߍ߲߫ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫ ߕߋ߲߬ ߘߊ߲ߘߊߟߌ ߖߍ߬ߘߍߖߍ߬ߘߍ ߞߘߐ߫ ߦߋ߲߬߸ ߞߊ߬ߦߌ߯ ߞߎߣߎ߲ߟߏ߲ ߂߀߂߄ ߞߏߟߌ߲ߞߏߟߌ߲ ߕߟߋ߬ ߁߁ ߡߊ߬، ߡߍ߲ ߓߍ߲߬ߕߐ߫ ߞߊ߲ߡߋߙߋ߲ ߠߊ߫ ߞߏ ߡߊ߬߸ (ߊ߬ߓߎ߫ ߞߊ߬ߟߐ ߞߊ߬ߣߌ߲߬)߸ ߏ߬ ߦߋ߫ ߞߟߍ߬ߡߐ߮ ߟߎ߬ ߓߟߏ߫ ߕߋ߲߬ ߢߊߢߌߣߌ߲ߠߌ߲ ߕߐ߭ ߞߍ߫ ߞߊ߲ߡߊ߬.

ߡߍ߲ ߓߊ߯ ߓߐ߫ ߊ߬ ߘߐ߫߸ ߊߟߎ߫ ߘߌ߫ ߟߊߞߍ߫ ߏ߬ ߞߊ߬ߟߊߡߊ߬ ߟߏ߲߫ ߣߊ߬ߕߐ ߟߎ߬ ߘߐ߫…

ߞߊ߲ߞߊ߲߫߸ ߞߊ߬ ߝߘߊ߫ ߛߎ߬ߟߋ߬ߡߊߣ ߕߊ߭ߕߊ߬ ߓߊ߲߬ߜ߭ߎߙߊ߬ ߟߊ߫

ߟߏ߲ߞߊߛߌߦߊ߫ ߞߡߊ߬ߙߊ߬ ߟߊ߫ ߘߟߊߡߌߘߊߟߌ ߟߋ߬